Bücə pullarını Ramiz Mehdiyevə məhz O ÖTÜRÜB!
17-09-2020, 11:57
DİA.AZ: - Azərbaycanda daha bir nazir postunda dəyişiklik gözlənilir. Bu barədə DİA.AZ-a mötəbər mənbədən informasiya verilib.
Xəbəri verən qaynaq iddia edir ki, yaxın günlərdə Maliyyə Naziri Samir Şərifov vəzifəsindən alınacaq. Mənbənin diaaz.space-a söylədikləri:
"Zatən Samir Şərifov yeniləşən iqtidar komandasında yamaq kimi görünür... Geci-tezi vəzifəsindən alınmalı idi. Hələ Cahangir Əsərov həbs olunanda Samir Şərifov da getməli idi. Amma o vaxt Ramiz Mehdiyev Şərifovu qoruya bildi. Doğrudur, MN şefi çevikliklə "qılıf dəyişdirə" bildi və yeni komandada özünü bir üzv kimi təqdim etməyə başladı. Hər halda Ramiz Mehdiyevdən gələn təlimat belə idi.
Bu gün də ölkənin maliyyə sisteminin başında Ramiz Mehdiyevə yaxın bir kadrın dayanması olduqca təhlükəli məqamdır və bu nüansa "yuxarılar" opeativ reaksiya verməlidir".
Mənbə onu da iddia edir ki, Samir Şərifov uzun müddət Ramiz Mehdiyevin çirkli pullarının yuyulmasında birbaşa iştirak edib: "O, keçmiş PA rəhbərinin qara kassası, "buxaltrı" funksiyasını həyata keçirib. Dövlət büdcəsindən ayrılan pullar dolayı yollarla məhz yerlərdəki maliyyə nazirliyinin işçilərinin iştirakı ilə sonradan Ramiz Mehdiyevin şəxsi büdcəsinə ötürülürdü. Bu fakt ciddi şəkildə araşdırılmalıdır".
Əlavə bilgilərimiz olacaq. İddia olunanlarla bağlı qarşı tərəfi də dinləməyə hazırıq...
Geri qayıt