“BakuBus” sərnişinlərlə sürücü arasında insident olub.
Lent.az xəbər verir ki, bu barədə görüntülər sosial şəbəkələrdə yayılıb.
Məlumata görə, hadisə 149 saylı avtobusda qeydə alınıb.
İddia olunur ki, sürücü sərnişinləri təqhir edib və nəticədə dava düşüb.
“BakuBus” MMC-dən bildirilib ki, 149 saylı marşrut xəttində sürücü ilə sərnişin arasında insident baş verib: “Hadisə ilə bağlı aparılan araşdırma zamanı videomüşahidə görüntülərindən müəyyən olunub ki, sürücü Rəcəbov Xəyalət Azad oğlu qaydaları kobud şəkildə pozub.
Bu səbəbdən, əmək qanunvericiliyinə uyğun olaraq sürücünün işdən azad edilməsi barədə qərar qəbul edilib. Baş vermiş hadisəyə görə sərnişinlərdən üzr istəyir və bu kimi halların təkrarlanmaması üçün bütün zəruri addımların atılacağına sizi əmin etmək istərdik”.
