Beyləqanda şübhəli kadrlar...
21-07-2020, 11:35
Ermənistanın Tovuz istiqamətində hərbi təxribat törətməsinin qarşısı Azərbaycan Ordusu tərəfindən qətiyyətlə alınandan sonra xalqımızın vətənpərvərlik ruhu yüksəlmiş və kütləvi surədə könüllü olaraq səfərbərliyə yazılanların sayı günü-gündən çoxalmaqdadır. İlk vaxtlar məşhurların və onların övladlarının da könüllülər sırasına qatılması yaxşı nümunə hesab edilsə də, sonradan cəmiyyət arasında reputasiyası yaxşı olmayan bəzi məmurların bu hərəkata nümayişkaranə surətdə qoşulmaları heç də birmənalı qarşılanmadı. Xüsusən də yaşı keçmiş köhnə korrupsionerlərin “voenkomatın qırmızı masası” qarşısında şəkil çəkdirib paylaşmaları düşükcə göründü və şit təsir bağışladı.
Amma daha pisi, cavanlıqda həqiqi hərbi xidmətdə olmayan birinin indi bu palaza bürünüb elnən sürünmək istəməsidir. Elinsə gözü tərəzidir, deyiblər.
Söhbət üç gün öncə adını könüllülər sırasına yazdırmış Beyləqan Rayon Yaşıllaşdırma İdarəsinin rəisi Nizami Vəliyevdən gedəcək. Əvvəllər baytar həkim işləmiş, sonradan Beyləqanda Zona Baytarlıq Laboratoriyasının müdiri işləmiş, çıxdıqdan sonra bir müddət işsiz qalan Nizami Vəliyev tərpənişikli adamdır: Bekar oturmayan “yağlı vəzifə” axtarışına çıxdı, hətta bir ara Beyləqan Rayon İcra Hakimiyyəti Başçısının Şəhər Ərazi İcra Nümayəndəsi postuna “padxod” elədi. Könlündən “mer” olmaq sevdası keçən Nizami Vəliyev istəyinə tam şəkildə çatmasa da, qismən çatmış kimidir. Artıq bir aydır ki, icra başçısı onu Beyləqan rayon Yaşıllaşdırma İdarəsinə müdir vəzifəsinə təyin edib.
Kaş ki, rayon rəhbəri o sərəncamı verməyəydi. Nizami Vəliyev Yaşıllaşdırma İdarəsinə müdir təyin olunan elə ilk gündən fəhlələrə, gecə – gündüz əməyini rayonun yaşıllaşdırılmasına, gözəlləşədirilməsinə sərf edən, səhərdən axşama qədər 250 manata günün altında çalışan zəhmətkeş kollektivə göz verib, işıq vermir, onların gününü, necə deyərlər, göy əskiyə büküb. Vay o fəhlənin halına ki, yorğunluğunu çıxartmaq üçün oturub beş dəqiqə dincini ala. Nizami Vəliyev tezcənə qaçır icra başçısının ovcuna qoyur ki, filan fəhlə məni eşitmir, mənə cavab qaytarır və sair. Elə onun bu “məharətinə” görə kollektivi onu görən kimi “başçının iş verəni gəldi” deyib ağızlarını yumurlar. Fəhlələri məcbur edir ki, ərizələrini yazıb işdən çıxsınlar. Bir növ onlara qarşı repressiya həyata keçirir. Əslində bir baytar həkimindən bundan başqa nə gözləmək olar ki?
Bildirilir ki, hazırki vəzifəsi Nizami Vəliyevin öhdəsindən gələcəyi iş deyil. Onu hər kəs Beyləqanda mal həkimi tanıyıb, heyvanları xəstələnəndə, doğanda və ya bala salanda, hətta doğmayanda da ona müraciət ediblər. Yəni ki, Nizami Vəliyev baytar – ginekoloq, mamaçadır. Elə indinin özündə də inəyi doğan, xəstələnən və ya bala salan rayon sakinləri onu müraciət edir. Yeri gələndə inəyi abortda edir. İndi elə rayon sakinəri də mat-məəttəl qalıblar ki, necə oldu, baytar – ginekoloq – mamaça birdən – birə Yaşıllaşdırma İdarəsinə müdir təyin edildi.
Oturub-durduğu məhrəm dairədən sızan məlumata görə, hələ bunlar azmış kimi Nizaminin ürəyindən icra başçsının 1-ci müavini olmaq sevdası da keçir. Di gəl, nəzərə almalıdır ki, bu vəzifə dövlət qulluğudur, onun belə dərəcəsi yoxdur
Hərçənd, səfərbərliyə yazılması bir şərtlə özünü doğrulda bilər – sərhədçilərin atlarına və itlərinə baytarlıq xidməti göstərərsə.
Mən əminəm ki, icra başçısı Asif Ağayev də Vətənini, Dövlətini, Xalqını, Millətini, şəhidini, əsirini sevən biridir. Sadəcə Nizami Vəliyev haqqında çox şeylərdən xəbərsiz olub. Adamlarla işləməyi bacarmayan Nizami Vəliyev tövləyə, sevimli məşğuliyyətinə qaytarılmasa, gözlənilən odur ki, rayon rəhbərini də tezliklə ictimai qınağa tuş gətirsin.
P.S. Ötən yazılarımızda Nizami Vəliyevin Hərbiq xidmətdə olmaması ilə bağlı bilgiləri oxucularımızla paylaşdıqdan sonra məsələyə münasibətdə bildirmişdir ki, xidmətdə olub və ehtiyyatda olan zabitdir. Ancaq bu günləri özü etirf edib ki, hərbi xidmətdə olmayıb, Vətənin keşiyində qarovul çəkməyib. Nəzərə alsaq ki, 30 ilə yaxındır ki, torpaqlarımız işğala altındadır, müharibə şəraitində yaşayırıq. Özünü ər bilən, qanında türk qanı axan hər bir azərbaycan vətəndaşı xidmətə getməyə borcludur. Yoxsa ki, dolayı yollarla xidmətdən “saçokluq” edib yayınmamalıdır. Görünən odur ki, Nizami Vəliyev hansısa bir yolla hərbi xidmətdən yayınıb. Vətən keşiyində durmaq ona zor gəlib. Belə bir adamın durub vəzifə davası etməsi heç bir məntiqə uyğun deyil. İndisə, özünüz düşünün; “Saçokluq” edərək hərbi xidmətdən yayınaraq, Vətənin keşiyində dayanmağı özünə əskiklik sayan birini necə vəzifəyə təyin etmək, dövlət əmlakını ona etibar etmək olra?! O şəxs ki, vətənpərvər deyilsə, Vətənini sevmirsə bunu necə etmək olar? Bunun özü elə Vətənə xəyanətə bərabər əməl deyilmi?
Özünü rəhbər vəzifədə görən kimliyindən, hansı məmurun övladı olub, olmamasından asılı olmayaraq hər bir şəxs, əgər onun qanında Türk qanı axır, nəbzi Azərbaycanla döyünürsə öncəliklə, o, kişilik məktəbini başa vurmalı,Dövlətinə, Vətəninə, Millətinə şərəflə, ləyaqətlə xidmət etməlidir. Vəzifəyə layiq bax bu şəxslərdir.
Vəzifəyə təyin olunan şəxsin öncəliklə vətənpərvərik ruhu yoxanılmalıdır.Vətənini, dövlətini, millətini,şəhidini, düşmənə əsir düşən qız-gəlinlərimizi, ana-bacılarımızı, diri – diri süngüdən keçirilən körpə uşaqlarımızı sevməlidir. Onların qisasıyla yaşamalıdır. Yoxsa ki, “saçokluq” edib, hərbidən, Vətən keşiyindən xidmətdən zorlanmamalıdır. “Hərbi xidmətə getməmişəm deyə mən rəhbər vəzifədə işləyə bilmərəm ki?” deməklə bu işlər olmur.
RealMediaaz.space
Geri qayıt