Qərb silahlarının bəzi növləri Ukraynada səmərəsiz olub
13-04-2025, 07:50
"Qərb silahlarının bəzi növləri Ukraynadakı hərbi əməliyyatlar şəraitində özünü doğrultmayıb".
Teleqraf xəbər verir ki, bunu Ali Radanın Milli Təhlükəsizlik Komitəsinin sədr müavini Yeqor Çernev deyib.
Onun sözlərinə görə, çatdırılan sistemlərin bir çoxu sadəcə partnyorların pullarının israfıdır.
"Mən Excalibur misalını çəkə bilərəm ki, bu, on minlərlə dollara başa gələn və elektron müharibə şəraitində səmərəsiz olan GPS ilə idarə edilən artilleriya mərmisidir", - Çernev bildirib.
Xatırladaq ki, Almaniyanın "Süddeutsche Zeitung" qəzeti Berlinin Ukraynaya tədarük etdiyi, demək olar ki, bütün hərbi texnikanlarda ciddi çatışmazlıqların olduğunu qeyd edib. Bundan başqa Ukrayna ordusunun hesabatları göstərir ki, Almaniyanın təchiz etdiyi döyüş sistemlərinin əksəriyyəti döyüşdə yalnız məhdud istifadəyə malikdir. Həddindən artıq bu bahalı döyüş sursatları çətin təmir edilə bilir.
Geri qayıt