"Demirəm, yeməsin... YESİN! Amma..."
31-07-2020, 11:26
DİA.AZ: - "Kapital Bank"la bağlı şikayətlər son günlər artmaqdadır. DİA.AZ olaraq "Facebook" sosial şəbəkəsindəki "Müştəriyəm Şikayətim Var" qrupunda Mihran Saran adlı vətəndaşın şikayətini olduğu kimi təqdim edirik:
"Şikayətim "Kapital Bank"dandır. Heyif ki, sizin kimi bankdan maaş alıram. Neçə vaxtdir, bu problemi yaşayıram. Zəng vurdum, əməkdaş mənə deyir ki, 100 manata qədər 1 manatdır komissiya haqqı. 20 manat göndərilsə, 20 qəpik tutulur. 60 manat göndəerilsə, ona uyğun qəpik tutulur. Ya göndərən, ya da pulu çəkəndən tutulur bu haqq. İkisindən də tutulur demədi bankın əməkdaşı..."
Daha sonra narazı vətəndaşın qeydlərində bildirilir: "İndicə mənə "Kapital Bank"dan maaş alan şəxs mənim "Kapital Bank" maaş kartıma pul gönderdi. (birbankla) Göndərən adamdan 10 qəpik çıxıb məndən də 20 manata 1 manat çıxıb. (1manat 10 qəpik ümumi). Beynəlxalq Bank-dan da maaş kartım var. Ordan müştəri kodu ilə köçürmə zamanı bir qəpik belə tutulmur. Məni əsəbləşdirən iki məqam var.
Birincisi odur ki, operator yalan danışmasın. Özü də ikiqat yalan. İkinci isə odur ki, bu pulu özümə götürmürəm. Yardıma yığılan puldur. (duzdu bankın xəbəri yoxdur bundan) Hər kasıbın boğazından bu qədər yeyir bu "Kapital Bank".
Demirəm yeməsin. YESİN! Amma insafla yesin. Operatorun dediyi kimi, yesin... Nə mən nə də pul çatacaq ehtiyaclı insanların haqqını halal etmirem".
İddia olunanlarla bağlı diaaz.space olaraq qarşı tərəfi də dinləməyə hazırıq...
Geri qayıt