Ondan əvvəlki başçı HƏBSDƏDİR... o da dinc dayanmır...
19-10-2023, 09:37
Son zamanlar yerli icra hakimiyyətlərinin fəaliyyəti ciddi tənqid olunur. Nöqsanları ilə gündəmə gələn bəzi icra başçıları işdən çıxarılsa, həbs olunsa belə, yenə vəziyyət dəyişmir. Dəfələrlə adları şikayət və tənqid olunanlar siyahısında hallanan icra başçılarının fəaliyyətində dönüş yaranmır.
DİA.AZ bildirir ki, yerli KİV-də əhalinin ən çox narazı qaldığı icra hakimiyyətləri barədə araşdırma materialı təqdim olunub. Aydın olur ki, narazılığa səbəb olan RİH-lərdən biri də Yevlax rayon İcra Hakimiyyətidir.
Araşdırma materialında deyilir:
"Məlum olub ki, ən çox şikayətlərin olduğu icra hakimiyyəti Yevlaxdır. Bu qurumun adı mətbuatda müxtəlif qalmaqallarda çəkilir. Təsadüfi deyil ki, ən çox məmur özbaşınalığı da məhz bu icra hakimiyyətində baş verir. Həmin qurumda çalışan məmurların heç bir yeniliyə can atmaması, təşəbbüsə qoşulmaması, sakinlərlə görüşlərə maraq göstərməmələri dəfələrlə tənqid edilib.
Rayonun icraatında olan kəndlərdəki sosial problemlərin qabardılması, təyinatı üzrə olmayan torpaqların bələdiyyə və ərazi nümayəndəliyi tərəfindən satışa çıxarılması, qanunsuz tikintilərin qarşısının alınmaması, vətəndaş şikayətləri və qazi müraciətlərinə məhəl qoyulmaması ilə bağlı faktlar isə icra hakimiyyətinin fəaliyyətsizliyini ortaya qoyur.
Bu azmış kimi sıravi vətəndaş tərəfindən Yevlax rayon icra hakimiyyətindən davamlı olaraq Prezident Administrasiyasına şikayələr ünvanlanır. Doğrudur, hələlik bu şikayətlərin konkret nətticəsi yoxdur. amma bu o demək deyil ki, məsələ sona qədər məhz belə davam edəcək".
Xatırladaq ki, Yevlax rayon İcra Hakimiyyətinin başçısı Anar Tağıyevdir. Qeyd edək ki, anar ağıyev gənc kadr hesab olunmasına baxmayaraq Yevlaxı köhnə eşalon məmurlarına xas olaraq QARƏT ETMƏKDƏDİR... Buna aid faktlar isə yerli KİV-də yetərincədir. Tək qalanı isə məsələyə hüquqi müdaxilədir...
Məsələ ilə bağlı diaaz.space olaraq qarşı tərəfi də dinləməyə hazırıq...
Geri qayıt