Çap versiya > 9 saylı cəzaçəkmə müəsisəsində şəhidlərə sayğısızliq

Bu günlərdə mətbuatda 9 saylı cəzaçəkmə müəsisəində baş verən qanunsuzluqlar, məhbuslardan müxtəlif adlarla pul yığılması haqda məlumat yayılmışdı. Burda cəza çəkən məhbuslar Ədliyyə nazirinə müracətdə ildirirdi ki, “baş verən rüşvət, bazar qaydaları, xüsusilə kapitan rütbəli İmran adlı işçinin əməlləri haqda müvafiq qurumlara yazmışdıq.

Bir müddət həmin şəxs qanunsuz əməllərini dayandırdı. İndi yenidən bu kapitan qılıncını əlinə alıb və bütün məhbuslara haqq qoyur. Məhbusların qanunla müəyyənləşmiş imtiyazları üçün belə rüşvət istənilir. Bu da azmış kimi İmran müxtəlif vasitələrlə məhbusları şərləyərək onlardan pul qoparır. Hər bir məhkum ayda işıq pulu verir”.

İndi isə sözügedən cəzaçəkmə müəsisəsi ilə bağlı daha bir ilginc məlumat daxil olub. Məlumatda bildirilir ki, 9 saylı cəzaçəkmə müəsisəsində Azərbaycanın azadlığı və ərazi bütövlüyü uğrunda şəhid olmuş qəhrəmanların şəkilləri əks olunmuş plakat hörmətsiz şəkildə qoparılmış və zibil yerinə atılmışdır. Məhbus Rauf Rəhimov buna etiraz etdikdə isə təzyiqlə üzləşmiş və cəzaçəkmə müəsisəsinin rəisi tərəfindən 17 saylı cəzaçəkmə müəsisəsinə köçürülmüşdür.